თელავის N5 საჯარო სკოლაში წარმატებით ფუნქციონირებს სამოქალაქო განათლების კლუბი, რომლის წევრებიც თემატური ღონისძიებების ფარგლებში არაერთ საინტერესო აქტივობას სთავაზობენ სასკოლო საზოგადოების წარმომადგენლებს.
ამჯერად, თელავის N5 საჯარო სკოლის სამოქალაქო განათლების კლუბის - „ახალი სიცოცხლის“ წევრებმა დაიწყეს „გლადა ჰუდიკ თეატრის“ პროექტი - ბავშვები სტერეოტიპებით არ იბადებიან.ღონისძიების ორგანიზატორი გახლავთ სამოქალაქო განათლების პედაგოგი ზეინაბ კაკალაშვილი.
აღსანიშნავია, რომ პროექტი ხორციელდება შვედური ინსტიტუტის მხარდაჭერით, რომლის ფარგლებშიც მოსწავლეები გაეცნენ გაერო-ს მიერ შემუშავებულ „შეზღუდული შესაძლებლობების მქონე პირთა უფლებების კონვენციას“.
„ვიმსჯელეთ სტერეოტიპების შესახებ. დავამზადეთ პოსტერები და გავავრცელეთ სასკოლო საზოგადოებასა და სოციალური ქსელით. საზოგადოების ერთ-ერთ ყველაზე მნიშვნელოვან ამოცანას დემოკრატიის, სამართლიანობისა და ყველა ადამიანის თანაბარი ღირსების პატივისცემა წარმოადგენს“, - აღნიშნულია სკოლის მიერ გავრცელებულ ინფორმაციაში.
