წალკის მუნიციპალიტეტის დაბა თრიალეთის საჯარო სკოლაში მასწავლებელთა პროფესიული განვითარების ეროვნული ცენტრის პროგრამების: „ასწავლე საქართველოსთვის“ და „არაქართულენოვანი სკოლების მხარდაჭერის“, ასევე, ადგილობრივი რესურს ცენტრისა და თვითმმართველობის ხელშეწყობითა და თანადგომით საინტერესო ღონისძიება - „ერთად გავიცნოთ საქართველო“ ჩატარდა.
ღონისძიების ორგანიზატორები წალკის მუნიციპალიტეტის კოხტისა და ოზნის საჯარო სკოლების დირექტორები - ნადიმ ხოზრევანიძე და რუბენ ჰანესიანი არიან.
ღონისძიებაში მონაწილე სკოლებმა საქართველოს სხვადასხვა კუთხის ისტორია, ტრადიციები, კულტურა და სამზარეულო წარმოადგინეს, რის შედაგადაც ისინი შემდეგ ნომინაციებში დაჯილდოვდნენ:
- კუთხის გაფორმება;
- კუთხისწარდგენა;
- ცეკვა;
- ლექსი;
- თავისუფალი ნომერი;
აღნიშნულ ნომინაციაშიებში გამარჯვებულები კომპეტენტურმა ჟიურმა გამოავლინა.
ნომინაციებში გამარჯვებულებს საქართველოს ისტორიის წიგნი და სიგელი გადაეცათ, ხოლო ღონისძიების თითოეულ მონაწილეს საჩუქრები.
„წალკის მუნიციპალიტეტის დაბა თრიალეთის საჯარო სკოლა, მადლობას უხდის პროექტის ინიციატორებს - ნადიმ ხოზრევანიძესა და რუბენ ჰანესიანს გაწეული შრომისათვის. მადლობა ჟიურის ყველა წევრს, ადგილობრივ რესურს ცენტრს, თვითმმართველობას, მონაწილე სკოლებსა და დამსწრე საზოგადოებას. აგრეთვე, მადლობა თრიალეთის სკოლის ორგანიზატორებს - ნარგიზ ვაშაყმაძესა და მარინე ირემაძეს, რომლებმაც მათი დაუღალავი შრომით,სკოლას გამარჯვება მოუტანეს. კერძოდ, გამარჯვებულები პირველ ნომინაციაში, კუთხის გაფორმებაში გავხდით“, - აღნიშნავენ სკოლაში.
იხილეთ ფოტოები და ვიდეო:
