დღეს გთავაზობთ, ბლიც-ინტერვიუ სამტრედიის მუნიციპალიტეტის სოფელ ნოღისა და ჭოგნარის საჯარო სკოლების მასწავლებელ თამუნა ქორიძესთან. ის ორივე სკოლის ერთ-ერთი გამორჩეული პედაგოგია, რომელიც შეყვარებულია თავის პროფესიასა და მოსწავლეებზე.

- თქვენი საყვარელი ფრაზა ...

- ცა არის ლიმიტი ( ადამიანს - ბავშვს ყოველთვის ყველაფრის გაკეთება შეუძლია, როდესაც მოინდომებს და ვთვლი მხოლოდ ცა არის ლიმიტი)

- რას ნიშნავს თქვენთვის პედაგოგის პროფესია?

- ბავშვების უპირობო სიყვარულს, სითბოსა და მათ მოციმციმე თვალებს.

-  ბავშვებთან ეფექტური კომუნიკაცია არის...

- პოზიტიური დამოკიდებულება ბავშვების მიმართ. საუბარი და ახსნა, როცა რაიმეს დააშავებენ და არა ჩხუბი.

- კოლეგის რჩევა, რომელიც განსაკუთრებით მახსოვს ...

- იშრომე და ყოველთვის მიაღწევ მიზანს.

- საგანმანათლებლო სფეროში ყველაზე რთულია...

- როდესაც გაქვს ბავშვის ფსიქოლოგიასთან შეხება. შესაძლებელია მასწავლებლის ერთმა სიტყვამაც კი დიდი კვალი დატოვოს ბავშვზე, შესაძლოა დიდი ზიანი მიაყენო მას ან დიდი მოტივაცია მისცე, რომ ცხოვრების სირთულეებს ამაყად შეხვდეს.

- მოტივაციას მაძლევს...

- ბავშვების გაღიმებული და მოსიყვარულე სახეების ცქერა.

- კმაყოფილი ვარ, როდესაც სკოლაში...

- გაკვეთილზე, როდესაც მოსწავლეები მაქსიმალურად არიან გაკვეთილში ჩართულნი და ვხედავ, რომ ინტერესით აღსავსე თვალებით მიყურებენ და მისმენენ.

​იხილეთ ფოტო: