თერჯოლის მუნიციპალიტეტის სოფელ ქვედა სიმონეთის N2 საჯარო სკოლის მე-11 კლასის მოსწავლეების (დამრიგებელი ქ. სულამანიძე) მონაწილეობით შემეცნებითი ღონისძიება „ვემხრობი! შიდსის დამარცხებას“ ჩატარდა.
აღნიშნული ღონისძიება მიეძღვნა აივ/შიდსის მსოფლიო დღეს. ღონისძიებას ესწრებოდნენ VIII-XII კლასის მოსწავლეები და პედაგოგები.
აღნიშნული ღონისძიების ფარგლებში, მოსწავლეებმა წარადგინეს პრეზენტაცია და ვიდეომასალა, რომლის საშუალებითაც შეხვედრის მონაწილეებს ვრცლად მიაწოდეს ინფორმაცია მსოფლიოსა და საქართველოში ბოლო 37 წლის განმავლობაში აივ/შიდსის გავრცელების სტატისტიკისა და დაავადების დასამარცხებლად მსოფლიო ორგანიზაციების მიერ გაწეული მნიშვნელოვანი პრევენციული ზომების შესახებ.
როგორც სკოლის წარმომადგენლებმა აღნიშნეს, დიდი მოწონება დაიმსახურა მონაწილეთა მიერ წარმოდგენილმა პრეზენტაციამ, ნახატებმა, ვიდეორგოლმა და მოსწავლეების დამზადებულმა ბუკლეტებმა, რომლებიც შეხვედრის მონაწილეებს ცნობიერების ამაღლების მიზნით დაურიგდა.
აღნიშნულ თემაზე, ისაუბრეს პედაგოგმა ლ. ტომარაძემ, დირექტორის მოადგილე დ. რობაქიძემ და დირექტორმა თ. ბეჟაშვილმა.
იხილეთ ფოტოები:
