წყალტუბოს მუნიციპალიტეტის სოფელ მაღლაკის N1 საჯარო სკოლაში წყალტუბოს მუნიციპალიტეტის გენდერული თანასწორობის საბჭოს წევრებს უმასპინძლეს.
საბჭოს წევრები - მზია კიკალიშვილი და ლელა ბერძენიშვილი სკოლის დირექტორ მარინე ფხაკაძეს, VIII, IX, X და XI კლასის მოსწავლეებს შეხვდნენ.
აღნიშნული შეხვედრის თემა, რომელიც ქალთა მიმართ ძალადობის აღმოფხვრის 16-დღიანი კამპანიის ფარგლებში გაიმართა, „სოციალურ სქესში დამალული სიმართლე, ანუ გენდერული თანასწორობა“ იყო.
სტუმრებმა ისაუბრეს შემდეგ საკითხებზე: გენდერული თანასწორობა, ფემიციდი, ძალადობა. შეხვედრა კითხვა-პასუხის რეჟიმში გაიმართა, მის მიმდინარეობაში მოსწავლეები მონდომებით ჩაერთნენ, დასვეს კითხვები და ამომწურავი პასუხები მიიღეს.
16-დღიანი კამპანია, რომელიც მსოფლიოს 187 ქვეყანაში 1991 წლიდან აღინიშნება, მიზნად ისახავს საზოგადოების ცნობიერების ამაღლებას ქალთა მიმართ ძალადობისა და ოჯახში ძალადობის წინააღმდეგ.
იხილეთ ფოტოები:
