მარანის საჯარო სკოლის პირველი კლასის მოსწავლეებმა შემოდგომა ლამაზი ღონისძიებით გააცილეს
02-12-2022
აბაშის მუნიციპალიტეტის სოფელ მარანის საჯარო სკოლის პირველ კლასში მრავალფეროვანი აქტივობებით გაჯერებული ღონისძიება მოეწყო, რომელიც შემოდგომას მიეძღვნა.
მოსწავლეები მის მიმდინარეობში მონდომებით, ხალისითა და ინტერესით ჩაერთნენ, შესაძლებლობები გამოავლინეს, სამახსოვრო ფოტოები გადაიღეს და დრო სასიამოვნოდ გაატარეს. მათ წაიკითხეს ლექსები, შეასრულეს ხალხური სიმღერა „ლალე“ და გია ყანჩელის „ყვითელი ფოთლები“.
შემოდგომის ნობათითა და შესაბამისი დეკორაციით გაფორმებული გარემო საზეიმო განწყობას კიდევ უფრო ამაღლებდა. კლასის ხელმძღვანელი ციცინო ქორჩილავაა.
აღსანიშნავია, რომ სკოლაში მოსწავლეთა ინტერესებსა და განვითარებაზე ორიენტირებული აქტივობები ხშირად იმართება.
იხილეთ ფოტოები:
სკოლების სიახლეები
