დიდი ჯიხაიშის N1 საჯარო სკოლაში ეკოკომიტეტი შეიქმნა
02-12-2022
სამტრედიის მუნიციპალიტეტის სოფელ დიდი ჯიხაიშის N1 საჯარო სკოლა ჩაერთო ეკოსკოლების საგანმანათლებლო პროგრამაში, რომელსაც ორგანიზაცია - „დავიცვათ საქართველოს სისუფთავე’’ ახორციელებს.
1 დეკემბერს, დიდი ჯიხაიშის N1 სკოლაში შეიქმნა ეკოკომიტეტი, რომლის შემადგენლობაშიც აირჩიეს, საბაზო და საშუალო საფეხურის მოსწავლეები და ხუთი მასწავლებელი. მერვე კლასის მოსწავლე - მარიამ სოფრომაძე დასახელდა ეკოსკოლის კოორდინატორად, ფასილიტატორად - ბიოლოგიის მასწავლებელი თეა კოზმავა, მდივნად კი აირჩიეს, კომპიუტერული ტექნოლოგიების მასწავლებელი მაია კახაძე.
აღსანიშნავია, რომ ახლადშექმნილი კომიტეტის წევრები გაეცნენ ეკოსკოლების პროგრამას და სასწავლო წლის განმავლობაში განსახორციელებელი ღონისძიებებიც დაგეგმეს.
იხილეთ ფოტოები:
სკოლების სიახლეები
