წყალტუბოს მუნიციპალიტეტის სოფელ ცხუნკურის N2 საჯარო სკოლაში მრავალფეროვანი საგანმანათლებლო-შემეცნებითი თუ ლიტერატურულ-კულტურული ღონისძიებები ხშირად იმართება, რაც მოსწავლეთა მოტივაციაზე დადებითად აისახება.
25 ნოემბერს, ცხუნკურის N2 საჯარო სკოლაში, მურმან ლებანიძის დაბადებიდან 100 წლის იუბილესთან დაკავშირებით, ღონისძიება - „არავითარი სხვა სამშობლო ამაზე მეტი არ გამაჩნია!“ გაიმართა.
ღონისძიება მიზნად ისახავდა მოსწავლეებში პოეზიისადმი სიყვარულს და ინტერესების გაღვივებას.
ღონისძიებაში მონაწილეობდნენ VI-VIl და Vlll კლასის მოსწავლეები. მათ წაიკითხეს მურმან ლებანიძის ლექსები, საინტერესოდ გადმოსცეს პოეტის ცხოვრების ამსახველი მოვლენები, მოისმინეს მურმან ლებანიძის ლექსებზე შექმნილი სიმღერები. ღონისძიება მოამზადა ქართული ენისა და ლიტერატურის წამყვანმა მასწავლებელმა - დარეჯან ტუსკაძემ .
ღონისძიებას ესწრებოდნენ სკოლის დირექტორი, მასწავლებლები, დაწყებითი და საბაზო საფეხურის მოსწავლეები.
ღონისძიება შეაჯამა სკოლის დირექტორმა ქალბატონმა - ნინო ჯალიაშვილმა , რომელმაც მადლობა გადაუხადა მასწავლებელსა და მის მოსწავლეებს საუკეთესო ღონისძიებისთვის.
იხილეთ ფოტოები:
