„ჩვენს სკოლაში ბარაქიანმა შემოდგომამ იზეიმა“ - მატნის N1 საჯარო სკოლის მოსწავლეებმა მრავალფეროვანი ღონისძიება გამართეს
30-11-2022
ახმეტის მუნიციპალიტეტის სოფელ მატნის N1 საჯარო სკოლაში მრავალფეროვანი საგანმანათლებლო-შემეცნებითი თუ საზეიმო-კულტურული ღონისძიებები იმართება, რაც მოსწავლეთა მოტივაციაზე დადებითად აისახება.
ამჯერად, მატნის N1 საჯარო სკოლაში 1-ელი-მე-6 კლასების მონაწილეობით ჩატარდა „შემოდგომის ზეიმი“.
დირექციის, მასწავლებლების, მოსწავლეებისა და მშობლების აქტიური მონაწილეობით კლასებმა საქართველოს კუთხეები და მათი საშემოდგომო ტრადიციები წარმოადგინეს.
ღონისძიებაზე გამოფენილი იყო სხვადასხვა კუთხისთვის დამახასიათებელი ტრადიციული კერძები, ცეკვები. ეს ყველაფერი კი გაფორმებული იყო შესაბამისი დეკორაციით. მოსწავლეებმა შესრულეს სხვადასხვა მუსიკალური ნომრები.
„ჩვენს სკოლაში ხვავიანმა და ბარაქიანმა შემოდგომამ იზეიმა“, - აღნიშნავენ სკოლაში.
იხილეთ ფოტოები:
სკოლების სიახლეები
