ცაგერის მუნიციპალიტეტის სოფელ ლაჯანის საჯარო სკოლაში საქართველოს თავდაცვის სამინისტროსა და საქართველოს განათლებისა და მეცნიერების სამინისტროს ერთობლივი პროექტის - „ჩვენი ჯარის“ ფარგლებში შეხვედრა გაიმართა.
ჯარისკაცებმა მოსწავლეებს სალექციო ფორმატში, პრეზენტაციების სახით თავდაცვის ძალების ისტორია, ამოცანა, თავდაცვის ძალებში მოხვედრისა და სამხედრო განათლების მიღების შესაძლებლობები, თავდაცვის სფეროში მიმდინარე რეფორმები, ნატო-საქართველოს ურთიერთობები გააცნეს და საერთაშორისო მისიებში, საერთაშორისო სწავლებებში საქართველოს მონაწილეობის შესახებ ინფორმაცია მიაწოდეს.
მოსწავლეებმა საქართველოს ეროვნული გმირების, თითოეული მათგანის გმირობის ისტორია უშუალოდ ჯარისკაცებისაგან მოისმინეს.
მოსწავლეებმა სტუმრებისგან მათთვის საინტერესო კითხვებზე ამომწურავი პასუხები მიიღეს და საკუთარი შეხედულებები დააფიქსირეს. სამხედრო მოსამსახურეებმა მოსწავლეებს თემატურად მომზადებულ - შერჩეული, ფოტო და ვიდეომასალის ხილვის შესაძლებლობა შესთავაზეს.
იხილეთ ფოტოები:
