თიანეთის მუნიციპალიტეტის სოფელ ზარიძეების საჯარო სკოლა მოსწავლეებს მრავალფეროვან და მეტად საინტერესო სასწავლო პროცესს სთავაზობს. სკოლაში იმართება მრავალფეროვანი როგორც საგანმანათლებლო-შემეცნებითი, ისე საზეიმო და კულტურული ღონისძიებები.
ამჯერად, სკოლაში შთამბეჭდავი საშემოდგომო ღონისძიება გაიმართა. ღონისძიება დაწყებითი საფეხურის მოსწავლეებმა, პედაგოგების - მაია ცოცხალაშვილისა და ლია კოჭლაშვილის ხელმძღვანელობით მოაწყვეს.
მოსწავლეებმა მრავალფეროვანი საზეიმო პროგრამა წარმოადგინეს, მათ შორის ლექსები მხატვრულად წაიკითხეს, წელიწადის ამ დროისთვის დამახასიათებელ ბუნებრივ მოვლენებზე ისაუბრეს და წარმოადგინეს თუ რაოდენ მრავალფეროვანია შემოდგომა საქართველოში.
„ბავშვების გაბედნიერებას და დღის გალამაზებას ბევრი არაფერი სჭირდება, მთავარია იგრძნონ სიყვარული, თანადგომა, გულწრფელი დამოკიდებულება... შემოდგომის მშვენიერი ზეიმი მოაწყვეს სკოლის დაწყებითი საფეხურის მოსწავლეებმა“, - აღნიშნავენ სკოლაში.
იხილეთ ფოტოები:
