თბილისის N136 საჯარო სკოლის მოსწავლეებისთვის საინტერესო სასწავლო-შემეცნებითი ტური მოეწყო. 

5 ნოემბერს, IX^ა კლასის მოსწავლეები, დამრიგებელ გ. დემენტიევასა და მუსიკის მასწავლებელ თ. კობახიძესთან ერთად, ზაქარია ფალიაშვილის სახლ-მუზეუმში იმყოფებოდნენ. 

მოსწავლეებმა დაათვალიერეს კომპოზიტორის პირადი ნივთები და ინსტრუმენტები, ხელნაწერი ნოტები, მისი სამუშაო ოთახი.

მეცხრეკლასელებმა ასევე კომპოზიტორის შესახებ მოისმინეს საგანმანათლებლო პროგრამა. დასასრულ, განხორციელდა საინტერესო აქტივობა მოსწავლეების ჩართულობით.