ქუთაისის N12 სკოლაში გერმანული ენის კლუბის წევრებმა საინტერესო სასწავლო პროექტზე იმუშავეს
25-11-2022
ქუთაისის N12 სკოლაში გერმანული ენის კლუბი - „გერმანულის ფანები“ წარმატებით ფუნქციონირებს.
კლუბი სკოლაში სექტემბრიდან მუშაობს და მრავალფეროვან აქტივობებსა და პროექტებს ახორციელებს.
ამჯერად, კლუბის წევრებმა წარმოადგინეს სასწავლო პროექტი - „გერმანიისა და საქართველოს ეროვნული დღესასწაულები“.
მოსწავლეებმა მოაწყვეს გამოფენა თემაზე - „გაყოფილი გერმანია, გერმანიის გაერთიანება“ შექმნეს გერმანიისა და საქართველოს დროშები, დახატეს რუკები თავისი სიმბოლოებით.
პროექტის დასასრულს მოსწავლეებმა გაითამაშეს ვიქტორინა - „რა? სად? როდის?“.
კლუბის დამფუძნებელი მე-11 კლასის მოსწავლე ნიკოლოზ კეთილაძე გახლავთ. კლუბის კურატორი გერმანული ენის პედაგოგი მედეია რევია.
იხილეთ ფოტოები:
სკოლების სიახლეები
