ახალციხის მუნიციპალიტეტის ვალის N4 საჯარო სკოლის მოსწავლეები ინგლისურ ენას მრავალფეროვანი აქტივობებით სწავლობენ. ამის მაგალითია ინგლისური ენის მორიგი შთამბეჭდავი გაკვეთილი.
„მადლიერების გამოხატვა ბუნებრივი ადამიანური რეაქციაა. ხშირად ვამბობთ სიტყვას - „მადლობა“ და ეს უმეტესად გაუცნობიერებლად ხდება“, - აღნიშნავს ინგლისური ენის მასწავლებელი მარი ხითარიშვილი, რომელმაც გაკვეთილი მადლიერების დღეს მიუძღვნა. მადლიერების დღე აშშ-ი ნოემბრის მეოთხე ხუთშაბათს აღინიშნება.
მასწავლებელი მოსწავლეებს ესაუბრა, თუ როგორ უნდა გავხადოთ მადლიერება ჩვენი ყოველდღიური ცხოვრების ნაწილად. ესაა - დავაფასოთ წვრილმანები და თამამად გამოვხატოთ მადლიერება.
მოსწავლეებმა უყურეს ინგლისურენოვან ფილმს მადლიერების დღესთან დაკავშირებით, შემდეგ გააკეთეს კედლის გაზეთი - „მადლიერების ხე“- „thanks giving“, გამოხატეს მადლიერება მეგობრების, მასწავლებლების, ოჯახის წევრების მიმართ, მადლიერების სიტყვები დაწერეს ფერად ფოთლებზე და დააწებეს ხეს.
„მადლიერების განცდამ საოცარი დადებითი ემოცია გამოიწვია მოსწავლეებში“,- გვეუბნებიან სკოლაში.
იხილეთ ფოტოები:
