„ოქროს შემოდგომა“- ნინოწმინდის N1 სკოლის მე-3 კლასში მრავალფეროვანი ღონისძიება გაიმართა
24-11-2022
ნინოწმინდის N1 საჯარო სკოლაში მოსწავლეთა ინტერესებზე მაქსიმალურად მორგებული გარემოა შექმნილი. პედაგოგები ყველაფერს აკეთებენ იმისთვის, რომ სასწავლო პროცესი საინტერესოდ წარიმართოს.
ამასთან ერთად, ეწყობა სხვადასხვა აქტივობა და ღონისძიება. ამჯერად, ღონისძიება - „ოქროს შემოდგომა“ მე-3ა კლასში გაიმართა. ის წელიწადის მიმდინარე დროს მიეძღვნა.
სკოლაში შემოდგომის ნობათი და შესაბამისი დეკორაცია იყო განთავსებული, მოსწავლეები საზეიმოდ გამოეწყვნენ, სხვადასხვა ნომერი შეასრულეს - იმღერეს, იცეკვეს და ლექსები წაიკითხეს. მათ შესაძლებლობები წარმატებით წარმოაჩინეს, დრო სასიამოვნოდ გაატარეს და სამახსოვრო ფოტოები გადაიღეს.
იხილეთ ფოტოები:
სკოლების სიახლეები
