„მეურნეობის დარგები სამცხე- ჯავახეთში“ - ოზაანის საჯარო სკოლის მოსწავლეთა შთამბეჭდავი გაკვეთილი
23-11-2022
დედოფლისწყაროს მუნიციპალიტეტის სოფელ ოზაანის საჯარო სკოლა მოსწავლეებს მეტად მრავალფეროვან და საინტერესო სასწავლო პროცესს სთავაზობს, ამის მაგალითია მეექვსეკლასეთა შთამბეჭდავი გაკვეთილი.
გაკვეთილი მოსწავლეებს საგანში - „ჩვენი საქართველო“ თემაზე - „მეურნეობის დარგები სამცხე- ჯავახეთში“ ჩაუტარდათ.
სასწავლო პროცესს მასწავლებელი ბელა კოჭლამაზაშვილი ხელმძღვანელობდა.
მე-6 კლასის მოსწავლეებმა სასკოლო საზოგადოებას გააცნეს სამცხე- ჯავახეთის ტრადიციები და სამეურნეო საქმიანობა, ისაუბრეს გეოგრაფიულ მდებარეობაზე, სამონასტრო კომპლექსზე. ყურადღება გაამახვილეს ჯავახეთში მომზადებულ კერძებზე და თავად წარმოადგინეს ისინი.
იხილეთ ფოტო:
სკოლების სიახლეები
