ომარ ასლანიძის სახელობის ქობულეთის მუნიციპალიტეტის სოფელ ჯიხანჯურის საჯარო სკოლის პედაგოგები, დირექტორ მიხეილ ხალვაშის ხელმძღვანელობით, მომავალ თაობას მრავალფეროვან და მეტად საინტერესო სასწავლო პროცესს სთავაზობენ. მოსწავლეები სხვადასხვა საგანმანათლებლო ატივობაში, საზეიმო, გასართობ თუ კულტურულ ღონისძიებაში არიან ჩართულნი.
„ყოველა ბავშვში მზეა, ოღონდაც აცალეთ ანათოს“ - სოკრატეს ეს სიტყვები მოჰყავთ სკოლაში, სადაც მოსწავლეთა მორიგი შთამბეჭდავი აქტივობა შემოდგომას მიუძღვნეს.
ჯიხანჯურის საჯარო სკოლის IIIბ კლასის მოსწავლეებმა, დამრიგებლის მანანა შაინიძის ხელმძღვანელობით, სკოლის ეზოში ულამაზესი მზე გააკეთეს და ზამთრის მოლოდინით ოქროსფერი შემოდგომაც გააცილეს.
სახალისო აქტივობამ სიხარულით მოიცვა მთელი კლასი. პატარები დარწმუნდნენ, რომ ბუნება თავისი მდიდარი რესურსებით გვაძლევს საშუალებას, სხვა ყველაფერთან ერთად საკუთარი ხელებით შევქმნათ ფერადი, ცხრათვალა მზე და შევამკოთ სიტყვით, ლექსით, თუ სიმღერით...
„თქვენ ეს გამოგივიდათ პატარა მერცხლებო, ძალიან ყოჩაღებო და ჩემო ცელქო ონავრებო..“,- ასე მიმართავს პედაგოგი მოსწავლეებს, რომელთაც ნიჭი და შესაძლებლობები ბრწყინვალედ წარმოაჩინეს.
იხილეთ ფოტოები:
