ვაზიანის საჯარო სკოლაში სპორტულ-გასართობი შეჯიბრი ჩატარდა
22-11-2022
მცხეთის მუნიციპალიტეტის სოფელ ვაზიანის საჯარო სკოლაში პროექტის - „ჯანსაღი ცხოვრების წესი“ ფარგლებში, სპორტის მასწავლებელმა, მათე კაჭიურმა სპორტულ-გასართობი შეჯიბრი - „მხიარული სტარტები“ ჩაატარა.
ღონისძიებაში მე-5, მე-6 კლასის მოსწავლეები ხალისით ჩაერთნენ.
მოსწავლეები ერთმანეთს სპორტის სხვადასხვა სახეობებში შეეჯიბრნენ. მათ შორის - ბაგირის გაწევაში, კეგლის წაქცევაში, სირბილსა და ა.შ.
როგორც სკოლაში აღნიშნავენ, ფიზიკური აქტივობა დიდ როლს ასრულებს მოზარდების განვითარებაში.
„აღნიშნული აქტივობა მოსწავლეებში ჯანსაღი ცხოვრების წესის დამკვიდრებას და სპორტის მნიშვნელობის გააზრებას ემსახურება“,- ამბობს სკოლის წარმომადგენელი.
იხილეთ ფოტოები:
სკოლების სიახლეები
