თელავის N5 საჯარო სკოლის ისტორიის პედაგოგმა ლია ალადაშვილმა და ხელოვნების პედაგოგმა ია ჩაველაშვილმა X კლასის მოსწავლეებთან ერთად განახორციელეს პროექტი თემაზე - „პრეისტორიული საქართველოს ისტორია და ხელოვნება“.
პროექტის პრეზენტაცია თელავის ისტორიულ მუზეუმში გაიმართა.
მოსწავლეებმა წარმოადგინეს პრეზენტაციები პრეისტორიული ხანის ადამიანების მიერ შექმნილ იარაღებზე, საქმიანობაზე, საქართველოს სხვადასხვა კუთხეში აღმოჩენილ არქეოლოგიურ არტეფაქტებზე, მათ რწმენა- წარმოდგენებზე.
ვიდეორგოლების საშუალებით დამსწრე საზოგადოებას აჩვენეს დმანისის აღმოჩენები, უძველესი ადამიანების ყოფა- ცხოვრება.
დამსწრეთა მოწონება დაიმსახურა ბავშვების ხელით ხის მასალისგან დამზადებულმა უძველესი სამარხების იმიტაციებმა და ნახატებმა, რომლებიც შექმნეს ეროვნულ მუზეუმში ნანახი არტეფაქტების ნახვით მიღებული შთაბეჭდილებების შემდეგ.
იხილეთ ფოტოები:
