ტყიბულის N4 სკოლის მხატვრული კითხვის კონკურსში წარმატებული მონაწილეობისთვის დაჯილდოვდნენ
21-11-2022
ტყიბულის N4 საჯარო სკოლის დირექცია და პედაგოგები მოსწავლეთა ნიჭისა და უნარების განვითარება-წახალისებას უდიდეს ყურადღება აქცევენ. ამ მიზნით, კი მრავალფეროვან საგანმანათლებლო ღონისძიებებს სთავაზობენ და სხვადასხვა კონკურსებში რთავენ.
ამჯერად სკოლის V, VI, IX კლასის მოსწავლეები მხატვრული კითხვის კონკურსში მონაწილეობდნენ.
მხატვრული კითხვის კონკურსი - „ვკითხულობთ გალაკტიონს“ გალაკტიონ ტაბიძის დაბადების დღეს მიეძღვნა და ტყიბულის შოთა რუსთაველის სახელობის მოსწავლე-ახალგაზრდობის სასახლეში გაიმართა.
მოსწავლეები კონკურსში აქტიურად ჩაერთნენ და წარმატებაც მოიპოვეს. მიღწეული წარმატებისთვის კომპეტენტურმა ჟიურიმ მოზარდები დიპლომებითა და სამახსოვრო ბარათებით დააჯილდოვა.
იხილეთ ფოტოები:
სკოლების სიახლეები
