ხარაგაულის მუნიციპალიტეტის სოფელ ლეღვანის საჯარო სკოლაში მოსწავლეთა შემოქმედებითი ნიჭისა და უნარების წარმოჩენა განვითარებას უდიდესი ყურადღება ექცევა, შესაბამისად, დირექცია და პედაგოგები მოსწავლეებს მრავალფეროვან საგანმანათლებლო, საზეიმო, გასართობ თუ კულტურულ ღონისძიებებს სთავაზობენ და მათი ნიჭისა და უნარების წარმოჩენა-წახალისებას ცდილობენ.
ამჯერად, სკოლაში ღონისძიება - „შემოდგომის ფერები“ ჩატარდა. ლამაზად მორთულ დარბაზში ტრიალებდა მწიფე ხილისა და ფერადი ყვავილების სურნელება, მოდუღდა ფელამუში, პატარებმა საკუთარი ხელით ამოავლეს ჩურჩხელები. ღონისძიებაში დაწყებითი საფეხურის მოსწავლეები მონაწილეობდნენ.
ღონისძიებას პედაგოგი ინგა ლაცაბიძე ხელმძღვანელობდა. სკოლაში აქტიურად იყვნენ ჩართულნი მოსწავლეთა მშობლები.
„მადლობა მშობლებს ღონისძიებაში ჩართულობისათვის, მადლობა ჩვენს ინგა ლაცაბიძეს ასეთი ფერადი ღონისძიების მოწყობისთვის“,- აღნიშნავენ სკოლაში.
იხილეთ ვიდეო და ფოტოები:
