სოხუმის სახელმწიფო უნივერსიტეტსა და აფხაზეთის განათლებისა და კულტურის სამინისტროს შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს უნივერსიტეტის რექტორმა, პროფესორმა ზურაბ ხონელიძემ და მინისტრმა მანანა ქვაჩახიამ.

თანამშრომლობის მემორანდუმით, კომპეტენციისა და ორმხრივი ინტერესის გათვალისწინებით მხარეები შეთანხმდნენ, რომ გაერთიანებული ძალებით შეუწყონ ხელი სტუდენტების განათლების ხარისხისა და კვალიფიკაციის ამაღლებას, განათლების სფეროში თანამშრომლობისთვის პროფესიული უნარ-ჩვევების გამომუშავებას და განვითარებას, რაც ახალგაზრდებს თვითრეალიზებაში დაეხმარება.

ღონისძიებას სოხუმის სახელმწიფო უნივერსიტეტის და აფხაზეთის განათლებისა და კულტურის სამინისტროს თანამშრომლები ესწრებოდნენ.