ასპინძის მუნიციპალიტეტის სოფელ დამალის საჯარო სკოლაში მოსწავლეთა მოტივირებაზე, ცოდნის გაღრმავებასა და შემოქმედებითი უნარების განვითარებაზე აქტიურად ზრუნავენ. 

ამ მიზნით, პედაგოგები მოსწავლეებს სხვადასხვა საინტერესო აქტივობას სთავაზობენ. ამჯერად, ღონისძიება - „შემოდგომა ჩვენი ხელებით“ წელიწადის მიმდინარე დროს მიეძღვნა. ის ესტეტიკური აღზრდის კათედრამ ჩაატარა. 

მოსწავლეებმა თემატური ნახატები დიდი მონდომებით შექმნეს, მათ ნამუშევრებში შემოდგომისთვის დამახასიათებელი შტრიხები გამოიყენეს. შედეგად კი, ნახატები მართლაც არაჩვეულებრივი იყო. მოსწავლეებმა შესაძლებლობების წარმოჩენა შეძლეს, მათ დრო ძალიან ნაყოფიერად გაატარეს. 

იხილეთ ფოტოები: