ამჯერად, თბილისის N60 საჯარო სკოლის Vდ კლასში მიმდინარეობს მათემატიკისა და ისტორიის ერთობლივი პროექტი - „შევხედოთ სამყაროს მათემატიკური თვალით“.
პროექტის მიზანი არის მათემატიკასა და ისტორიაში ნასწავლი საკითხების დაკავშირება რეალურ ცხოვრებასთან, ინფორმაციის სხვადასხვა წყაროებიდან მოძიების და აუდიტორიის წინაშე პრეზენტაციის უნარის განვითარება, სწავლის მოტივაციის გაზრდა.
პროექტის ფარგლებში დაიგეგმა სხვადასხვა აქტივობა და ღონისძიება. პირველი ღონისძიება 20 ოქტომბერს ჩატარდა. პროექტის ფარგლებში, მთელი კლასი სტუმრად შოკოლადის მუზეუმში წავიდა.
მოსწავლეები განაწილდნენ 4-5-კაციან ჯგუფებში და გაინაწილეს დასაკვირვებელი საკითხები:
• ბიუჯეტის დაგეგმვა და ხარჯთაღრიცხვა;• გზებზე დაკვირვება, მოძრაობის სიჩქარე, რუკა, კოორდინატები;
• გამოჩენილი ადამიანები, ძეგლები და მონუმენტები, ზომა-წონის ძველი ქართული და საერთაშორისო ერთეულები;
• ისტორია, დროის ხაზი, წელთაღრიცხვა, ქრონოლოგია, რიცხვითი სხივი;
• გემრიელი დესერტები, რეცეპტები, პორცია და პროპორცია.
პროექტის შემდეგი ეტაპი მოიცავდა პრეზენტაციას. საგანში - „ჩვენი საქართველო“ მოსწავლეებმა შეძლეს ინფორმაციის მოძიება და აუდიტორიის წინაშე პრეზენტაციის წარდგენა.
ღონისძიებას ესწრებოდნენ კლასის დამრიგებელი, მათემატიკის მასწავლებელი - ნანა სვანიძე, ისტორიის მასწავლებელი - მარიტა მჭედლიშვილი და ქართული ენისა და ლიტერატურის მასწავლებელი - მაგდა ჭიქაბერიძე.
„პრეზენტაციების წარდგენამდე მოწვეულ მშობლებსა მოსწავლეებს გავაცანით შეფასების რუბრიკები და კრიტერიუმები, შემდეგ მოვისმინოთ პრეზენტაციები. მსმენელმა მოსწავლეებმა ერთმანეთს დაუსვეს შეკითხვები, ხოლო პრეზენტატორებმა გასცეს პასუხები, მოწვეული მშობლებმა გამოთქვეს მოსაზრებები ღონისძიების შესახებ და შემდგომი აქტივობების დაგეგმვაში ჩაერთნენ“,- გვიყვებიან სკოლაში.
პროექტის ხელმძღვანელები: ნანა სვანიძე, მარიტა მჭედლიშვილი.
კლასის დამრიგებელი: ნანა სვანიძე.
იხილეთ ვიდეო:
