თელავის მუნიციპალიტეტის სოფელ კისისხევის საჯარო სკოლის მოსწავლე გიორგი ჭლიკაძე izrune.ge-ს დიდი ოჯახის აქტიური წევრია. მეოთხეკლასელი მოსწავლეთა ტესტირების ინოვაციური პორტალის შემეცნებით, სახალისო და მამოტივირებელ ტესტებს წარმატებით ასრულებს. 

„ერთი წელია, რაც ჩავერთე izrune.ge-ს ტესტებში. აქტიურად ვკითხულობ წიგნიერების ხუთშაბათისთვის მოცემულ ნაწარმოებს თუ მოთხრობებს, რაც მიმაღლებს ცნობიერებას სხვადასხვა საკითხთან დაკავშირებით.

ჩემი ჰობია ხატვა, მიყვარს რაგბი და ფეხბურთი. საგნებიდან ყველაზე მეტად მათემატიკა მიყვარს.

ამ პროექტში ჩემი დახმარებით ჩავრთეთ ჩემი უმცროსი ძმა და რამდენიმე მეგობარიც, ისინი ძალიან კმაყოფილები არიან“,- გვწერს გიორგი ჭლიკაძე.

შეგახსენებთ, რომ izrune.ge ინოვაციური პროექტი და ონლაინ საგანმანათლებლო პლატფორმაა, რომელიც მოსწავლეს ეფექტური განათლების მიღებაში ეხმარება. მისი საშუალებით მოსწავლეს შეუძლია, გაიაროს თავისი ასაკის შესაბამისი კითხვებისგან შედგენილი ტესტები და შეამოწმოს საკუთარი ცოდნა.