ნინოწმინდის მუნიციპალიტეტის, ვლადიმიროვკის საჯარო სკოლაში სწავლა-სწავლება აქტიურ რეჟიმში მიმდინარეობს და მოსწავლეებიც დიდი ინტერესით ერთვებიან საგაკვეთილო პროცესში. იმავდროულად, ბავშვები მონაწილეობენ სხვადასხვა აქტივობაში და თემატურ ღონისძიებებსაც ხშირად აწყობენ.

ამჯერად გიამბობთ საშემოდგომო ღონისძიების შესახებ, რომელიც ვლადიმიროვკის საჯარო სკოლის დაწყებითი კლასის მოსწავლეებმა ჩაატარეს სკოლის დირექტორის მოვალეობის შემსრულებლის, სუსანნა ამაზარიანის მხარდაჭერითა და ხელშეწყობით.

ბავშვებმა მოაწყვეს თემატური კუთხე, შემოდგომისფრად მორთეს საკლასო ოთახი, შეასრულეს საინტერესო აქტივობები და ღონისძიების დასასრულს სამახსოვრო ფოტოებიც გადაიღეს.