ქუთაისის N22 საჯარო სკოლის მოსწავლეებმა სასკოლო სპორტულ ოლიმპიადაში წარმატებით იასპარეზეს.
„სასკოლო სპორტული ოლიმპიადა 2022-ის“ ფარგლებში გამართულ ქუთაისის მუნიციპალურ თამაშებზე ქუთაისის საჯარო სკოლის ვაჟთა და გოგონათა გუნდები ერთმანეთს ფრენბურთში დაუპირისპირდნენ.
ქუთაისის ჩემპიონები როგორც გოგონათა, ისე ვაჟთა შორის ნესტორ გოქაძის სახელობის ქუთაისის N22 საჯარო სკოლა გახდა და მომდევნო ეტაპზე, რეგიონალურ ოლიმპიადაზე ასპარეზობის უფლება მოიპოვა, სადაც ორივე გუნდი ქუთაისს წარმოადგენს.
აღსანიშნავია, რომ ქუთაისის N22 საჯარო სკოლაში მოსწავლეებში სპორტისა და ჯანსაღი ცხოვრების წესის პოპულარიზაციას დიდი ყურადღება ექცევა. ამ მიზნით, დირექცია და პედაგოგები მოსწავლეებს მრავალფეროვან აქტივობებს თუ ღონისძიებებს სთავაზობენ და სხვადასხვა სპორტულ ოლიმპიადებში რთავენ.
იხილეთ ფოტოები:
