ხულოს მუნიციპალიტეტის სოფელ ვერნების საჯარო სკოლაში მოსწავლეთა ინტერესებზე მორგებული საგანმანათლებლო გარემოა შექმნილი. დირექცია და პედაგოგები და მოსწავლეებს მრავალფეროვან საგანმანათლებლო, გასართობ, საზეიმო თუ კულტურულ ღონისძიებებს სთავაზობენ და მათი ნიჭისა და შესაძლებლობების წარმოჩენა-წახალისებას ცდილობენ.
ამჯერად, სკოლაში ღონისძიება შემოდგომას მიეძღვნა. ღონისძიება - „ფერადი და ბარაქიანი შემოდგომა“ IIIგ კლასის მოსწავლეებმა გამართეს.
პედაგოგმა - ივლიტა ზოიძემ და მოსწავლე ანდრია აბაშიძემ საშემოდგომო ნობათით ერთობლივად მორთეს სკოლის ეზო.
„მათ ფოთლების ხალიჩას შეჰმატეს უფრო ხასხასა და კაშკაშა ფერები. ბუნება ხომ ისედაც სავსეა ასეთი სილამაზით, მაგრამ ეს ყველა-ფერი უნდოდათ ჩვენამდე მოეტანათ და ჩვენი გულებიც გაეთბოთ“,- გვიყვებიან სკოლაში.
მოსწავლეები ღონისძიებაში ხალისითა და ინტერესით ჩაერთნენ, იაქტიურეს და წარმოაჩინეს თუ როგორი მრავალფეროვანი და ბარაქიანია შემოდგომა საქართველოში.
იხილეთ ფოტო:
