ზესტაფონის მუნიციპალიტეტის სოფელ ილემის საჯარო სკოლაში მოსწავლეთა ინტერესებზე მორგებული საგანმანათლებლო გარემოა შექმნილი. დირექცია და პედაგოგები ძალ-ღონეს არ იშურებენ, რომ მოსწავლეებს ხარისხიანი და სიღრმისეული განათლება მისცენ.
ზესტაფონის მუნიციპალიტეტის სოფელ ილემის საჯარო სკოლის დირექტორის მოადგილე ციალა გაბუნია გვეუბნება, 2022-2023 სასწავლო წელს მეათე კლასში ეროვნული სასწავლო გეგმით სავალდებულო გახდა პროექტებით სწავლება გარკვეულ საგნებში.
ილემის სკოლის მე-10 კლასმა პროექტის ფარგლებში დაიწყო დაგეგმილი ღონისძიებების შესრულება და მათ შორის ერთ - ერთი იყო ზაქარია ფალიაშვილის ბიოგრაფიისა და შემოქმედების გაცნობა.
მოსწავლეები ეწვივნენ ფალიაშვილის სახლ-მუზეუმს და დაესწრნენ ოპერა - „დაისს“. შთაბეჭდილებებით დატვირთულმა საღამომ მშობლების ჩართულობით შესანიშნავად ჩაიარა.
„აღსანიშნავია, რომ მსგავსი ტიპის ღონისძიებები ძალზედ მნიშვნელოვან კვალს ტოვებს მოსწავლეების კულტურულ და სულიერ განვითარებაზე“,- აღნიშნავს ციალა გაბუნია.
იხილეთ ფოტოები:
