მარნეულის მუნიციპალიტეტის, შაუმიანის N3 საჯარო სკოლაში მედიაწიგნიერების კვირეული დაიწყო, რომლის ფარგლებშიც მე-12 კლასის მოსწავლეებმა წარმოადგინეს მე-19 და მე-20 საუკუნეების დასავლური ლიტერატურა. პედაგოგ ნათია თითბერიძესთან ერთად, საინტერესო პროექტები შექმნეს და დაეხმარნენ თანატოლებს ამ მიმართულებით საჭირო ინფორმაციის მიღებაში.

შეგახსენებთ, რომ მედიაწიგნიერება გახლავთ პროექტი, რომლის საშუალებითაც, მოსწავლეები იღებენ ამომწურავ ინფორმაციას, თუ რა როლი აქვს თითოეულ მომხმარებელს სოციალურ მედიაში და როგორ მუშაობს ის; ეცნობიან სხვადასხვა პლატფორმის ალგორითმებს, ინტერნეტში უსაფრთხო ნავიგაციის წესებს და ასევე სწავლობენ, როგორ დაიცვან თავი ინტერნეტში არსებული საფრთხეებისგან.