წყალტუბოს მუნიციპალიტეტის სოფელ ზედა მესხეთის ბროწეულას საჯარო სკოლაში მოსწავლეთა ინტერესებზე მორგებული საგანმანათლებლო გარემოა შექმნილი. პედაგოგები ძალ-ღონეს არ იშურებენ, რომ მოსწავლეებს ხარისხიანი და სიღრმისეული განათლება მისცენ. ამისთვის კი მათ მრავალფეროვან გაკვეთილებს, აქტივობებსა თუ ღონისძიებებს სთავაზობენ და მოსწავლეთა ცოდნისა და უნარების განვითარება წახალისებას ცდილობენ.
მათ შორის, 14 ნოემბერს, მე-7 კლასის მოსწავლეებს სახვითი და გამოყენებითი ხელოვნების შთამბეჭდავი გაკვეთილი ჩაუტარდათ. სასწავლო პროცესს პედაგოგი ფიქრია ხვადაგიანი ხელმძღვანელობდა.
ფიქრია ხვადაგიანმა სავალდებულო საჩვენებელი გაკვეთილი ჩაატარა, რომელიც გაჯერებული იყო მრავალფეროვანი აქტივობებით. პედაგოგმა მეშვიდეკლასელებს საინტერესო სასწავლო რესურსი შესთავაზა.
მოსწავლეები სასწავლო პროცესში ხალისითა და ინტერესით ჩაერთნენ და იაქტიურეს.
სკოლაში ფიქრია მასწავლებელსა და მის მოსწავლეებს წარმატებას უსურვებენ.
იხილეთ ფოტოები:
