გარდაბნის მუნიციპალიტეტის სოფელ ნაგების საჯარო სკოლაში კარგად ესმით, რომ სასკოლო-საგანმანათლებლო ცხოვრებაში საკლუბო მუშაობა მნიშვნელოვანია.
სწორედ ამიტომ სკოლაში ჩამოყალიბდა კლუბი - „იდეების ზღვა", რომლის მიზანია მოსწავლეებში შემოქმედებითი, ინდივიდუალური, მოტივაციური, კულტურული, კოგნიტიური, ემოციური, ენობრივი, სოციალური უნარ-ჩვევების განვითარება.
გარდა ამისა, ასევე კლუბის მიზანია მოსწავლეთა ცნობიერების ამაღლება აქტუალური საკითხების შესახებ. კლუბი ჩამოაყალიბებს თანამშრომლობით საზოგადოებას ერთიანი ხედვით. მოსწავლეებს შესაძლებლობა ექნებათ, მიიღონ პროექტებსა და სხვადასხვა სახალისო აქტივობებში მონაწილეობა; გაიარონ არასაპროგრამო მასალა; შექმნან პრეზენტაციები; დაამუშავონ ზოგადი განათლების ეროვნული მიზნებისა და მდგრადი განვითარებისათვის აუცილებელი საკითხები; გათვიცნობიერდნენ ერთიანი ეროვნული გამოცდების საპროგრამო მასალებში.
- კლუბი დაარსდა სკოლის ბაზაზე. კლუბში თავმოყრილია საერთო ინტერესებისა და მისწრაფებების მქონე მოსწავლეები;
- კლუბში მუშაობა წარიმართება „ზოგადი განათლების შესახებ" საქართველოს კანონისა და ეროვნული სასწავლო გეგმის გათვალისწინებით;
- კლუბს აქვს წესდება, გვერდი სოციალურ ქსელში და ბლოგი.
იხილეთ ვიდეო და ფოტოები:
