რა არის მისი საყვარელი ფრაზა, კოლეგის რომელი რჩევა ახსოვს განსაკუთრებულად, რას ნიშნავს მისთვის პედაგოგის პროფესია, ამ და სხვა საინტერესო კითხვებზე მესტიის მუნიციპალიტეტის სოფელ ლენჯერის N2 საჯარო სკოლის დირექტორი ლალი გულედანი გვპასუხობს. 

- თქვენი საყვარელი ფრაზა... 

- „ყველაფერი კარგად იქნება“...

- რას ნიშნავს თქვენთვის პედაგოგის პროფესია?

- უდიდესი პასუხისმგებლობა ქვეყნის წინაშე.

 - ბავშვებთან ეფექტური კომუნიკაცია არის...

- სიყვარულისა და თანაგრძნობის  ატმოსფეროს შექმნა (ზრუნვა, აღიარება, მოსმენა, ნდობა, პატივისცემა).

- კოლეგის რჩევა, რომელიც განსაკუთრებით მახსოვს...

- უნდა შეგვეძლოს მიტევება.

- საგანმანათლებლო სფეროში ყველაზე რთულია...

- მოსწავლის პიროვნებად ჩამოყალიბების პროცესი.

- მოტივაციას მაძლევს...

- ჩვენი სკოლის კურსდამთავრებულთა წარმატებები.

- კმაყოფილი ვარ, როდესაც სკოლაში...

- ჯანმრთელი და ურთიერთპატივისცემით გამსჭვალული საგანმანათლებლო პროცესი მიმდინარეობს.