წალკის მუნიციპალიტეტის დაბა ბედიანის საჯარო სკოლაში მოსწავლეებში სპორტისა და ჯანსაღი ცხოვრების წესის პოპულარიზაციას დიდი ყურადღება ექცევა. ამ მიზნით, დირექცია და პედაგოგები მოსწავლეებს მრავალფეროვან აქტივობებსა თუ ღონისძიებებს სთავაზობენ. 

ამჯერად, სკოლაში სპორტულ-გასართობი შეჯიბრი - „მხიარული სტარტები“ ჩატარდა. მოსწავლეები ერთმანეთს სხვადასხვა სპორტულ თამაშებში შეეჯიბრნენ, ბევრი იაქტიურეს, იხალისეს და შესაძლებლობები წარმოაჩინეს. 

„ნოემბერის პირველ დღეებში ბედიანის საჯარო სკოლაში სასკოლო ცხოვრების რიტმი და მაჯისცემა „მხიარული სტარტების“ მოლოდინმა შეცვალა. თავად სტარტებმა კი მოლოდინს გადააჭარბა, მართლაც გაგვამხიარულა სასკოლო საზოგადოების თითოეული წევრი“,- გვიყვებიან სკოლაში.