ზარიძეების საჯარო სკოლის მოსწავლეები სასწავლო-შემეცნებითი ვიზიტით კახეთს ესტუმრნენ
09-11-2022
სასკოლო ცხოვრებაში ექსკურსიას განსაკუთრებული ადგილი უჭირავს, ამ მხრივ არც თიანეთის მუნიციპალიტეტის სოფელ ზარიძეების საჯარო სკოლაა გამონაკლისი.
5 ნოემბერს, მე-9, მე-11 კლასის მოსწავლეები, პედაგოგებთან და მშობლებთან, ერთად ეწვივნენ საქართველოს ულამაზეს კუთხეს - კახეთს.
როგორც სკოლაში გვეუბნებიან, ექსკურსია საგანმანათლებლო ხასიათის იყო, ჰქონდა დიდი სასწავლო-შემეცნებითი დატვირთვა, განსაკუთრებით მეთერთმეტე კლასის მოსწავლეებისთვის.
ისინი მუშაობდნენ პროექტზე - „ქართველი რომანტიკოსები“. პროექტის ბოლო აკორდი იყო წინანდალში, ალექსანდრე ჭავჭავაძის სახლ-მუზეუმში სტუმრობა.
მოსწავლეები ლიტერატურული და ისტორიული მემკვიდრეობისადმი პატივისცემის გრძნობით დახუნძლულები დაბრუნდნენ თიანეთში.
იხილეთ ფოტოები:
სკოლების სიახლეები
