„მოტივაციას მაძლევს იმის შეგრძნება, რომ მელოდება სკოლა, სადაც არის ჩემი სამყარო“ - თამარ ბურჭულაძე, სამების საჯარო სკოლის დირექტორი
08-11-2022
თამარ ბურჭულაძე - მაკარ (იპოლიტე) ბურჭულაძის სახელობის ჩოხატაურის მუნიციპალიტეტის სოფელ სამების საჯარო სკოლის დირექტორი და ამავდროულად, რუსული ენისა და ლიტერატურის მასწავლებელია. მისთვის, მოსწავლეებთან ეფექტური კომუნიკაციის გასაღები - მათი აზრის მოსმენა, გაგება და პატივისცემაა, რაც მისთვის არის ურთიერთთანამშრომლობის, მეგობრული და თბილი გარემოს გარანტი. უფრო ვრცლად, პედაგოგის პროფესიის მნიშვნელობაზე - თამარი, ბლიც-ინტერვიუში გვესაუბრა.  
 
- თქვენი საყვარელი ფრაზა... 

- „რაც მტრობას დაუნგრევია, სიყვარულს უშენებია“... გვიყვარდეს ერთმანეთი. 

- რას ნიშნავს თქვენთვის პედაგოგის პროფესია? 

- ჩემთვის პედაგოგის პროფესია ნიშნავს უდიდეს პასუხისმგებლობას მოსწავლეების, მშობლებისა და საზოგადოების წინაშე, აგრეთვე წარმატებებს სწავლასა და სწავლებაში.  

- ბავშვებთან ეფექტური კომუნიკაცია არის...  

- ურთიერთთანამშრომლობა, მეგობრული დამოკიდებულება, მათი აზრის მოსმენა, გაგება და პატივისცემა.  
 
- კოლეგის რჩევა, რომელიც განსაკუთრებით მახსოვს...   

- „შენ ძლიერი ქალბატონი  ბრძანდები და არ შეუშინდე ცხოვრებისეულ გამოწვევებს, შენ ამას შეძლებ“.  

- საგანმანათლებლო სფეროში ყველაზე რთულია...   

- მოსწავლეთა ნდობის მოპოვება, თუმცა არ არსებობს ისეთი სირთულე, რომელიც დაუძლეველი არ არის. 

- მოტივაციას მაძლევს...   

- დილით რომ ვიღვიძებ იმის შეგრძნება, რომ მელოდება სკოლა, სადაც არის ჩემი სამყარო - მოსწავლეები, კოლეგები და საყვარელი საქმიანობა.
 
- კმაყოფილი ვარ, როდესაც სკოლაში...   

- სუფევს ურთიერთთანამშრომლობის, ურთიერთსიყვარულის, მეგობრული და თბილი გარემო, როდესაც ყველა ბედნიერი და მოტივირებულია. 

 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203
Loading...