თბილისის N136 საჯარო სკოლაში მესამე თაობის ეროვნული სასწავლო გეგმა წარმატებით ინერგება, რომლის ერთ-ერთი მნიშვნელოვანი შემადგენელი ნაწილი კომპლექსური დავალებებია. კომპლექსურ დავალებებს სკოლის პედაგოგები და მოსწავლეები დიდი პასუხისმგებლობით ეკიდებიან. მასწავლებლები მოზარდებს საინტერესო დავალებებს სთავაზობენ, მოსწავლეები კი მათ ხალისითა და ინტერესით ასრულებენ.
მიმდინარე წლის 2 ნოემბერს, 1-ელა კლასში ჩატარდა კომპლექსური დავალების -„მოვაწყოთ გამოფენა“ პრეზენტაცია;
მოსწავლეებმა მოამზადეს საგამოფენო ნამუშევარი, რომლითაც აღწერეს, თუ როგორ ხდება ირგვლივ არსებული სხვადასხვა რაოდენობის ობიექტების აღწერა მათემატიკური სიმბოლოებით;
პატარებმა, მათთვის სასურველი მასალით (მუყაო, პლასტელინი, ფერადი ფურცლები და ა.შ.) გამოყენებით დაამზადეს სხვადასხვა ფერის კალათები და დანომრეს ისინი. მოამზადეს მათთვის სასურველი ხილის ნიმუშები და მოათავსეს კალათაში;
პირველკლასელებმა პრეზენტაციისას წარმოაჩინეს:
რა რიცხვები/სიმბოლოები გამოიყენეს კონკრეტული რაოდენობის აღნიშვნისთვის და რა კავშირი არსებობს რაოდენობის აღმნიშვნელ რიცხვებს შორის;
რა სიმბოლო შეუსაბამეს რაოდენობას;
როგორ ხდება რეალურ ცხოვრებაში მიმდინარე პროცესის აღწერა მათემატიკური სიმბოლოების მეშვეობით;
როგორი წესით ხდება რიცხვების შედარება, რომელი მეთოდია უფრო თვალსაჩინო შედარებისთვის;
იხილეთ ვიდეო:
