რა არის მისი საყვარელი ფრაზა? კოლეგისგან მიღებული რომელი რჩევა ახსოვს განსაკუთრებულად? და რას ნიშნავს მისთვის ბავშვებთან ეფექტური კომუნიკაცია?- ამ და სხვა საინტერესო ბლიც-კითხვებზე etaloni.ge-ს ჯემალ ქათამაძის სახელობის ქობულეთის მუნიციპალიტეტის სოფელ ციხისძირის საჯარო სკოლის დირექტორის მოვალეობის შემსრულებელი რამინ ხინიკაძე პასუხობს.

- თქვენი საყვარელი ფრაზა...

- „თითოეულ კეთილ საქმეს თავისი ფესვები სიკეთის დაფასების ნიადაგში აქვს გამჯდარი.“ (დალაი ლამა)

- რას ნიშნავს თქვენთვის პედაგოგის პროფესია?

- გიყვარდეს მოყვასი, თითოეული ბავშვი, გიყვარდეს სიახლე, ორგანიზებულად მართო სწავლისა და სწავლების უწყვეტი პროცესი.

- ბავშვებთან ეფექტური კომუნიკაცია არის...

- ურთიერთობა მათთან, როგორც პიროვნებებთან, მათი მოსმენა..

- კოლეგის რჩევა, რომელიც განსაკუთრებით მახსოვს...

- მუდამ წაახალისე მოსწავლე და მასწავლებელი ნებისმიერი წარმატებისთვის.

- საგანმანათლებლო სფეროში ყველაზე რთულია...

- სიტყვისა საქმედ ქცევა.

- მოტივაციას მაძლევს...

- ყველა მოსწავლის ანთებული თვალები, რომლებსაც გაკვეთილებზე დასწრებისას ვხედავ, ყველა კურსდამთავრებული, რომლებმაც სკოლის სახელი ავტორიტეტად აქცია.

- კმაყოფილი ვარ, როდესაც სკოლაში...

- სამუშაო პროცესი შეუფერხებლად მიმდინარეობს, გაკვეთილების შემდეგ საკლუბო საქმიანობაში ჩართულ მოსწავლე-მასწავლებს ვხედავ, როდესაც ჩვენი სკოლის კურსადმთავრებულები თავიანთი საქმის პროფესიონალები ხდებიან.