თელავის მუნიციპალიტეტის სოფელ გულგულის საჯარო სკოლაში მოსწავლის ინტერესებზე მორგებული მრავალფეროვანი სასწავლო გარემოა შექმნილი. სკოლის დირექცია და პედაგოგები მოსწავლეებს მრავალფეროვან საგანმანათლებლო, ლიტერატურულ თუ გასართობ ღონისძიებებს სთავაზობენ და მოსწავლეთა ნიჭის, ცოდნისა და უნარების წარმოჩენა-წახალისებას ცდილობენ. 

ამჯერად სკოლაში, მურმან ლებანიძის ასი წლის იუბილესთან დაკავშირებით ღონისძიება გაიმართა. ღონისძიებაში მეოთხე, მეშვიდე, მერვე და მეათე კლასის მოსწავლეები მონაწილეობდნენ. 

მოსწავლეებმა მურმან ლებანიძის ცხოვრებასა და შემოქმედებაზე ისაუბრეს, მხატვრულად წაიკითხეს დიდი პოეტის ლექსები. 

ღონისძიებას ეკატერინე თუშიშვილი ხელმძღვანელობდა.

იხილეთ ფოტოები: