მარტვილის მუნიციპალიტეტის სოფელ ნახუნაოს საჯარო სკოლაში სხვადასხვა მნიშვნელოვან თარიღს აქტივობები ეძღვნება. 

ამჯერად, სკოლაში აქტივობები, მედიაწიგნიერების კვირეულის ფარგლებში, პედაგოგ დავით პირტახიას ხელმძღვანელობით გაიმართა. 

24 ოქტომბერს პრეზენტაცია ჩატარდა, სადაც პედაგოგმა კოლეგებს მედიაწიგნიერების კვირეულის შესახებ ინფორმაცია გააცნო. 

25 ოქტომბერს საუბრები და პრეზენტაციები ყალბი და ნამდვილი ამბების, ფეიკ ნიუსისა და სიძულვილის ენის შესახებ, მშობლების ჩართულობით, გაიმართა. 

ასევე, დავით პირტახიას ხელმძღვანელობით, 28 ოქტომბერს ტესტირება ჩატარდა. ტესტირებაში 1-ელი - მე-6 კლასის 16 მოსწავლე მონაწილეობდა. გამოვლინდნენ გამარჯვებულები მათ სპეციალურად დაწესებული პრიზები გადაეცათ.

საპრიზო ადგილები შემდეგმა მოსწავლეებმა დაიკავეს:

• გიორგი ჭილაია - VI კლასი (კლასის ხელმძღვანელი-ნონა ცანავა);
• ანრი ჯიჯელავა - V კლასი (კლასის ხელმძღვანელი-ნინო ქურდიანი);
• მარიამი კალანდია - III კლასი (კლასის ხელმძღვანელი-ლეილა ბაძაღუა).

„დანარჩენ მონაწილე მოსწავლეებს სერტიფიკატები გადაეცათ. აქვე მინდა ავღნიშნო, რომ სკოლის წინაკვერკვეს განყოფილების მოსწავლეებმა მათე ცერცვაძემ, ეკატერინე ფირცხალავამ, გიორგი ძიძიგურმა და მართა ფირცხალავამ ერთობლივად დაამზადეს პლაკატი და გააკრეს კლასის ოთახში“,- ვკითხულობთ პედაგოგ დავით პირტახიას მიერ გავრეცლებულ ინფორმაციაში. 

იხილეთ ფოტოები: