ნინოწმინდის მუნიციპალიტეტის სოფელ ეფრემოვკის საჯარო სკოლაში მედიისა და ინფორმაციული წიგნიერების გლობალური კვირეულის ფარგლებში, საინტერესო საგანმანათლებლო ღონისძიება გაიმართა.
ღონისძიება ჩაატარა ინფორმაციული ტექნოლოგიების მასწავლებელმა, ანნა აბრაჰამიანმა.
ღონისძიებაში მონაწილეობდნენ მე-4, მე-5, მე-6, მე-7, მე-8 და მე-9 კლასის მოსწავლეები.
მოსწავლეებმა მოისმინეს საინტერესო ინფორმაცია, შექმნეს პლაკატები, რომლებზეც წარდგენილი იყო ყალბი ინფორმაციის აღმოჩენისთვის საჭირო რჩევები.
მოსწავლეებმა თანასკოლელებს ასევე ყალბი ინფორმაციის ამოცნობის შესახებ სადისკუსიო კითხვები შესთავაზეს.
შეხვედრა კითხვა-პასუხის რეჟიმში გაგრძელდა, სადაც მოსწავლეებმა დიდი ინტერესი და მაღალი ჩართულობა გამოიჩინეს.
საქართველოს სკოლებში მედიაწიგნიერების დღე 25 ოქტომბერს აღინიშნა.
იხილეთ ფოტოები:
