წალენჯიხის მუნიციპალიტეტის საჩინოს თემის N2 საჯარო სკოლაში პედაგოგები მოსწავლეთა ცოდნის გაღრმავებასა და შემოქმედებითი უნარების განვითარებაზე აქტიურად ზრუნავენ.
ამჯერად, სკოლაში, საგაკვეთილო პროცესში სამეცნიერო მეთოდი გამოიყენეს. ჩატარდა კვლევა - „შაქრის გაზომვა ხილსა და ბოსტნეულში“.
მოზამზადებელი სამუშაო ხილის და ბოსტნეულის ერთეულების შეგროვებასა და გარეცხვას მოიცავდა. მოსწავლეები აქტივობაში დიდი მონდომებით, ინტერესითა და ხალისით ჩაერთნენ.
გაიმართა შემდეგი ეტაპები:
დაკვირვება
- ხილის და ბოსტნეულის ანათალების მომზადება;
- წვენის ამოწურვა და სპირტომეტრის მინაზე დაწვეთება;
- დაკვირვება და მონაცემების აღრიცხვა;
- მონაცემების დაფიქსირება.
აღწერა
- მიღებული მონაცემების დაჯგუფება;
- მიღებულ მონაცემთა ანალიზი.
დასკვნა და ჰიპოთეზასთან შედარება
- დასკვნის გაკეთება მიღებულ შედეგებზე დაყრდნობით;
- შედეგების შედარება ჰიპოთეზა 1-თან;
- შედეგების შედარება ჰიპოთეზა 2-თან.
„ყველა ხილი და ბოსტნეული შეიცავს შაქარს. შაქრის რაოდენობა სხვადასხვა ნაყოფში განსხვავდება. შაქრის რაოდენობის დასადგენად ხილისა და ბოსტნეულის თითოეულ სახეობაში გადავწყვიტეთ ჩავატაროთ კვლევა და გავზომოთ მისი შემადგენლობა სპეციალური აპარატით – სპირტომეტრით“,- ვკითხულობთ სკოლის მიერ გავრცელებულ ინფორმაციაში.
იხილეთ ფოტოები:
