თერჯოლის მუნიციპალიტეტის სოფელ ქვედა სიმონეთის N2 საჯარო სკოლაში მოსწავლეთა ცოდნის გაღრმავებასა და შემოქმედებითი უნარების ჩამოყალიბებაზე ზრუნავენ.
ამჯერად, შთამბეჭდავი ინტეგრირებული გაკვეთილი მე-2 კლასში ჩატარდა.
ქართულის, ბუნებისა და ხელოვნების ინტეგირიგებულ გაკვეთილს პედაგოგი ნანული არაბიძე უძღვებოდა. მისი თემა შემოდგომა იყო.
მოსწავლეები მის მიმდინარეობაში დიდი ხალისითა და მონდომებით ჩაერთნენ, შესაძლებლობები წარმოაჩინეს და დრო სასიამოვნოდ გაატარეს. მათ საკუთარი ნამუშევრები წარადგინეს და საინტერესო აქტივობები განახორციელეს.
„მოსწავლეებმა ხალისით წარადგინეს საკუთარი ნახატები, აპლიკაციები, თეატრალიზებული სანახაობა, სახელდახელოდ ჩურჩხელებიც ამოავლეს; თავიანთ ნაკეთობებს შეუსაბამეს შესწავლილი პროგრამული თუ კლასსგარეშე მხატვრული და საინფორმაციო მასალები“,- ვკითხულობთ სკოლის მიერ გავრცელებულ ინფორმაციაში.
იხილეთ ფოტოები:
