თერჯოლის მუნიციპალიტეტის სოფელ ეწრის საჯარო სკოლის მოსწავლეებმა საქართველოს ეროვნულ ინტელექტ-ჩემპიონატ „ეტალონში“ ბრწყინვალედ იასპარეზეს. 

„თერჯოლის ეტალონი მოსწავლის“ ტიტული სწორედ ამ სკოლის მოსწავლე ელენე ჭელიშვილმა დაიმსახურა. 

კონკურის პირველ ეტაპზე შემდეგი 10 მოსწავლე მონაწილეობდა:

• ელენე ჭელიშვილი - XI კლასი;
• ანანო ზარნაძე - X კლასი;
• მარი უკლება - X კლასი;
• ქეთა ზარნაძე - X  კლასი;
• ლუკა აბესაძე - X  კლასი;
• ნინი ხუციშვილი - IX კლასი;
• თამარი პატარიძე - IX კლასი;
• ლიზი კუბლაშვილი - IX  კლასი;
• ომარი აბესაძე - IX  კლასი;
• ელენე ლომთაძე - IX კლასი. 

მათგან ორი - ლუკა აბესაძე და ელენე ჭელიშვილი მეორე ეტაპზე გადავიდა. 

შეგახსენებთ, რომ კონკურსის პირველი და მეორე ეტაპები ტესტირების სპეციალური პორტალის საშუალებით გაიმართა. 

საქართველოს ეროვნული ინტელექტ-ჩემპიონატი „ეტალონი“ დისტანციური ფორმატით საქართველოს განათლებისა და მეცნიერების სამინისტროს მხარდაჭერით მიმდინარეობს და მისი მიზანია მოსწავლე-ახალგაზრდებში არაფორმალური განათლების ხელშეწყობა, მოტიცავია-წახალისება და ამ მიზნით თანამედროვე ტექნოლოგიების გამოყენების უნარ-ჩვევების განვითარება.

ინტელექტ-ჩემპიონატის კონკურსის მონაწილე ყველა მოსწავლე „ეტალონის“ სპეციალური ონლაინ სიგელით, ხოლო მეორე ეტაპში - ონლაინ ოქროს სიგელით დაჯილდოვდა. 

გამარჯვებული მოსწავლეები შემდგომში თავის მუნიციპალიტეტებს წარმოადგენენ LIVE ვიდეო-ფორმატის კონკურსში და შეეჯიბრებიან სხვა მუნიციპალიტეტების გამარჯვებულებს.

იხილეთ ფოტო: