მარტყოფის N1 სკოლის მოსწავლეებმა უმცროსკლასელებისთვის, მედიაწიგნიერების დონის ამაღლების მიზნით, საინტერესო პრეზენტაცია ჩაატარეს
გარდაბნის მუნიციპალიტეტის სოფელ მარტყოფის N1 საჯარო სკოლაში მნიშვნელოვან თარიღებს სხვადასხვა აქტივობებს უძღვნიან.
ამჯერად სკოლაში მედიაწიგნიერების დღესთან დაკავშირებით მრავალფეროვანი კვირეული გაიმართა.
კვირეულის ფარგლებში უფროსკლასელმა მოსწავლეებმა - ლიზი ეპიტაშვილმა და ლიკა ლეკიშვილმა II-VI კლასის მოსწავლეებს მედიაწიგნიერების თემაზე პრეზენტაცია წარუდგინეს.
მოსწავლეებმა თანასკოლელებს ასევე ყალბი ინფორმაციის ამოცნობის შესახებ სადისკუსიო კითხვებიც შესთავაზეს და სახალისო აქტივობებში ჩართეს უმცროსკლასელები.
აღსანიშნავია, რომ კვირეულის სლოგანი კი - „გახდი თანატოლგანმანათლებელი“ გახლდათ.
იხილეთ ფოტოები: