ტყიბულის მუნიციპალიტეტის სოფელ მუხურის N2 საჯარო სკოლა მედიაწიგნიერების კვირეულს აქტიურად შეუერთდა.
კვირეული მე-5, მე-6 და მე-7 კლასებში ნაყოფიერი თანამშრომლობითა და სახალისო აქტივობების მონაცვლეობით დაიწყო.
ქართული ენისა და ლიტერატურის მასწავლებელი მარი ჩაფიძე, ცნობიერების ამაღლების მიზნით, მოსწავლეებს მედიაწიგნიერების რაობაზე ესაუბრა და მათთან კონკრეტული სიტუაციური ამოცანებიც განიხილა.
მოსწავლეებმა გააცნობიერეს, რომ ციფრულმა ეპოქამ ყველას გაუადვილა მედიაპროდუქტის შექმნა, რომ ჩვენ ყოველთვის არ ვიცით, ვინ შექმნა გზავნილი, რატომ შექმნა და რამდენად სანდოა, ამიტომ კრიტიკულად უნდა ვაანალიზებდეთ ყველა მედიაგზავნილსა და ვაზუსტებთ ინფორმაციის წყაროს.
კვირეულის ფარგლებში ესეების კონკურსში მონაწილეობისათვის სიგელით დაჯილდოვდნენ ილია ბუცხრიკიძე და ლიზი ვარდოსანიძე.
