თბილისის N142 საჯარო სკოლაში სხვადასხვა მნიშვნელოვანი თარიღი შესაბამისი აქტივობებით აღინიშნება. ამჯერად, სკოლაში კვირეული მედიაწიგნიერებას მიეძღვნა. მისი მიზანი მოსწავლეთა ცოდნისა და ცნობიერების გაღრმავება, ასევე მედიაწიგნიერებაში კომპეტენციის გაზრდა იყო.
მოსწავლეებმა იმსჯელეს მედიასაშუალებებზე, უყურეს ფილმს, უპასუხეს შეკითხვებს, შექმნეს საინფორმაციო პლაკატები და ბუკლეტები. ითამაშეს ონლაინ თამაში - „გაზომე სიმართლე და საკუთარი ცხვირი“.
მოსწავლეები აქტივობებში დიდი მონდომებით, ხალისითა და ინტერესით ჩაერთნენ. მოსწავლეებმა შესაძლებლობების წარმოჩენა შეძლეს და დრო სასიამოვნოდ გაატარეს.