თბილისის N178 სკოლაში მკითხველთა კლუბი „ჩირაღდანი“ და ეკოკლუბი „მწვანე ნაკვალევი“ იწყებს მუშაობას
25-10-2022
ქაქუცა ჩოლოყაშვილის სახელობის თბილისის N178 საჯარო სკოლაში სასიამოვნო სიახლეებია.
2022-2023 სასწავლო წელს, V -Vl კლასების მოსწავლეებისთვის მუშაობას იწყებს მკითხველთა კლუბი „ჩირაღდანი“.
კლუბის საქმიანობის ძირითადი მიზნებია:
- კითხვის უნარ-ჩვევის გამომუშავება;
- წაკითხულის გაგება-გააზრება;
- მსჯელობისა და კრიტიკული აზროვნების კულტურის ჩამოყალიბება.
ასევე, სკოლაში ფუნქციონირებას იწყებს ეკოკლუბი „მწვანე ნაკვალევი“. ეკოკლუბში VII-XI კლასის მოსწავლეები გაწევრიანდებიან.
კლუბის საქმიანობის ძირითადი მიზნებია:
- მოსწავლეებში კვლევითი უნარ-ჩვევების გამომუშავება;
- ცხოვრების ჯანსაღი წესის დამკვიდრება;
- გარემოსდაცვითი განათლების დანერგვის ხელშეწყობა;
- გარემოსდაცვითი ცნობიერების ამაღლება.
რეგისტრირებული მოსწავლეები გახდებიან ეკოკლუბის წევრები, კლუბის ფასილიტატორთან ერთად ჩაატარებენ სხვადასხვა საინტერესო აქტივობებს, მონაწილეობას მიიღებენ კონკურსებსა და კონფერენციაში.
სკოლების სიახლეები
