ნაესაკოვოს საჯარო სკოლაში გუნდური ინტელექტუალური თამაში გაიმართა
25-10-2022
აბაშის მუნიციპალიტეტის სოფელ ნაესაკოვოს საჯარო სკოლაში მოსწავლეთა ანალიტიკური და ინტელექტუალური უნარების განვითარებას დიდი ყურადღება ექცევა. ამ მიზნით დირექცია და პედაგოგები მომავალ თაობას მრავალფეროვან ღონისძიებებსა და აქტივობებს სთავაზობენ და სხვადასხვა კონკურსებში რთავენ.
ამჯერად, სკოლაში გუნდური ინტელექტუალური თამაშის „ტვინების ბრძოლა“ შიდასასკოლო ჩემპიონატი ჩატარდა.
ინტელექტუალური თამაში მასწავლებლებისა და მოსწავლეების უშუალო ჩართულობით წარიმართა.
მოსწავლეები ასაკობრივი კატეგორიით გაიყვნენ გუნდებად, აირჩიეს გუნდის კაპიტნები და ინტელექტუალურ შეჯიბრში დიდი მონდომებით ჩაერთნენ.
გამოვლინდა გამარჯვებულებიც.
სკოლაში გამარჯვებულ მოსწავლეებს შემდგომ წინსვლასა და წარმატებას უსურვებენ.
იხილეთ ფოტოები:
სკოლების სიახლეები
