ხაშურის N2 სკოლის პირველკლასელებს პედაგოგი ნანული ბუხრიკიძე ანბანის ჯადოსნურ სამყაროში საზეიმოდ შეუძღვა
25-10-2022
დავით კაკიაშვილის სახელობის ხაშურის N2 საჯარო სკოლის Iა კლასის მოსწავლეებმა ანბანის სწავლა საზეიმოდ დაიწყეს.
პედაგოგმა ნანული ბუხრიკიძემ პატარებს საანბანო პერიოდის დაწყება ნამდვილ დღესასწაულად უქცია. მასწავლებელმა პირველკლასელებს მრავალფეროვანი სასწავლო რესურსი და სახალისო აქტივობები შესთავაზა. მოცეკვავე „ანი“ და „ინი“ ანბანის ჯადოსნურ სამყაროში შეუძღვა ცეროდენა გოგო-ბიჭებს და აზიარა ქართული სიტყვის ტკბილხმოვანებას.
„უამრავი წარმატება თქვენ, ჩემო პატარა მეგობრებო! სიყვარულით, თქვენი პირველი მეგზური წიგნიერების სამყაროში!“- ამბობს მოსწავლეთა პირველი მასწავლებელი.
იხილეთ ფოტოები:
სკოლების სიახლეები
